EUSKARAREN LAGUNA SALTOKIEN SAREA

Oraindik ez dakizu zer den? Ez izan azkena ezagutzen!

Euskararen laguna saltokien sareak denboratxoa darama Getxoko merkataritzan eta ostalaritzan euskarari tokia egiten. Dagoeneko, 270 establezimendu gehitu dira sarera. Herritar guztiei euskara erabiltzeko gonbidapena egin nahi diegu, goraipatuz euskarak baduela tokia merkataritzan eta ostalaritzan ere. Bezeroen eta saltokien arteko gertutasuna piztuko du euskarak!

NORI ZUZENDUA DAGO?

Euskaraz artatzeko borondatea adierazten duten establezimenduak izan daitezke Euskararen lagunak, baita hizkuntza paisaia ele bietan bermatzeko konpromisoa adierazten dutenak ere.

ZER EGIN BEHAR DUT PARTE HARTZEKO?

Sarean parte hartzeko funtsezko bi baldintza bete beharko dira:

• Zure negozioan idazkiak euskaraz edo ele bietan mantendu edo jartzeko konpromisoa hartu.
• Bezeroekin lehen hitza euskaraz egin.

NOLA LAGUNDUKO DIT UDALAK?

Getxoko Udalak materialak, zerbitzuak eta laguntzak eskainiko dizkizu, doan:

• Euskararen Txantxangorria ikurra duten euskarriak eta eranskailuak.
• Promozioa hedabide eta sare sozialetan.
• Sarera gehitu diren establezimenduen mapa.
• Nire negoziorako produktu eta zerbitzuen katalogoa.
• Bezeroari euskarazko arreta bermatzeko Gida metodologikoa.

ZER ONURA DAKAR NIRE NEGOZIORAKO?

• Balio erantsia izatea; zure establezimendua aberasten ari zara inbertsio handirik egin gabe.
• Etorkizunerako prest egotea; gero eta jende gehiagok daki euskaraz, beraz eguneratzea garrantzitsua da.
• Konpetentziari aurre egitea; kate komertzial handiak dagoeneko ahaleginak egiten ari dira euskararekiko abegikor izateko.
• Konfiantza sortzea; eta horrela, bezero eta saltokiaren arteko gertutasuna suspertzea.

Jar zaitez harremanetan Euskara Zerbitzuarekin: 94 466 00 10 euskara.zerbitzua@getxo.eus

Eta eman hegoak euskarari!