Getxo Meeting

Getxo Meeting, erkidego ekitzaile zein enpresa-erkidegoarentzako hamabostaldiko topaketa.

Hamabostaldiroko topaketa Getxoko enpresa-komunitate ekintzailearentzat

#GetxoMEETING hamabostean behin egingo den topaketa da; bertan, udalerriko enpresa eta pertsona ekintzaileek ideiak parteka ditzakete eta elkar inspiratu. Antzeman da besteen esperientzietatik ikastea eta gai praktikoak partekatzea premia dela, bai dagoeneko finkatuta dauden enpresak dituzten pertsonengan, bai sortze-prozesuan daudenengan Zalantzak argitzea, ziurgabetasuna kudeatzea, informazio erabilgarria partekatzea, sareak eta kontaktu berriak sortzea… irtenbidea dira ekintzailetza-prozesuan ez isolatzeko.

Saio dinamizatuak dira, eta horietako bakoitzak konpartitzeko gai nagusi bat du. Horrela, denbora hobeto aprobetxatzea ahalbidetzen da, baita bertaratutakoen itxaropenak eta beharrak betetzea ere.

Saioak bi ostegunetik behin egiten dira, 14:30etik 16:30era, Getxo Elkartegian (Ogoño kalea 1, 48930, Getxo).

Doakoak dira, eta beharrezkoa da aldez aurretik Getxolanen izena ematea, 94 466 01 40 telefono-zenbakian edo getxopro@getxo.eus helbide elektronikoan.

Parte hartu ahal izateko, beren negozioa sortzeko prozesuan dauden pertsonen kasuan, interesdunek Getxon erroldaturik egon beharko dute edo beren negozioa bertan kokatzeko asmoa izan behar dute; dagoeneko sortutako enpresen kasuan, negozioak udalerrian kokatuta egon beharko du. Hala ere, saioetara etortzeko aukera ematen zaie Getxori profesionalki lotuta daudenei, ezinbestean udalerrian bizi edo lan egin behar izan barik. Helburua ekintzaileen ekosistema aberastea da eta dagoeneko sortuta dagoen komunitatearen aukerak areagotzea. Hori dela eta, udalerritik kanpoko 4 lagunek, gehienez ere, eman ahal izango dute izena.

Laburbilduz, GetxoMeeting ekintzailetzaren inguruan jakin-mina eta interesak dituzten pertsonek elkar ezagutzeko eta elkarrekin harremanetan jartzeko aukera da. Azken finean, arazoei eta irtenbideei buruz modu irekian eta egituratuan hitz egitea da, erraztutako saioen bitartez.

Bizkaiko Foru Aldundiak kofinantzatutako proiektua