Turismoko kode etikoa

Euskadiko Turismoaren Kode Etikoa lehiakortasun-programa bat da, Eusko Jaurlaritzako Turismo, Merkataritza eta Kontsumo Sailak sustatua, Basquetourren bidez, eta turismo arduratsua lantzea du helburu, euskal enpresak eta helmugak lehiakorragoak, etikoagoak eta iraunkorragoak izan daitezen.

Euskadiko Turismo Kode Etikoa, Turismoaren Mundu Erakundeak garatu zuen Munduko Kode Etikoaren printzipioak egokitzen dira, bai eta Nazio Batuen 2030 Agendaren Garapen Jasangarrirako helburuak ere; bertan, euskal berezitasunak eta gure kulturaren berezko elementuak txertatzen dira.

Kode hau sinatzean, turismo-entitateek tokiko kultura eta tradizioa eta kultura-ondareko elementuak errespetatzeko eta zaintzeko konpromiso garrantzitsua hartzen dute, eta konpromiso horrekin batera, pizgarriak emango dira tokiko komunitateak turismo-jarduerekin elkartu daitezen eta jarduera horien onura ekonomikoak, sozialak eta kulturalak jaso ditzaten, bereziki enplegua.

Gaur egun Euskadiko Turismo Etikaren Erregistroan dauden Getxoko enpresak honako hauek dira:

Parte hartzen duten entitateek 8 printzipio hauek betetzeko konpromisoa egiaztatu dute: turistak ulertzen eta errespetatzen laguntzea; tokiko tradizioa eta kultura sustatzea; gizateriaren kultura-ondarea zaintzea; pertsonen eskubideak errespetatzea; sektoreko langileei eta enpresaburuei tratu egokia ematea; bikaintasuna eta profesionaltasuna lantzea; jasangarritasuna eta berdintasuna, eta inklusioa eta tolerantzia (etnikoa, kulturala, erlijiosoa, sexuala eta soziala).

Programan parte hartzen duten enpresek Getxoko Udaleko Ekonomia Sustapen Sailaren doako laguntza teknikoa jaso dute. Laguntza horrek prestakuntza eta aholkularitza indibidualizatua barne hartu ditu, eta, azkenik, memoria bat osatu du, entitateek 8 printzipio horiek betetzen dituztela edo betetzeko konpromisoa dutela. Memoriak Etika Batzorde batek baliozkotu ditu, eta horrela entitateak Euskadiko Etika Turistikoaren Erregistroaren parte izango dira.

Etengabeko hobekuntzako proiektu bat da, eta urrats garrantzitsua izan nahi du EAEko turismo-entitateek 2030 Agendako 17 GJHak (Garapen Jasangarrirako Helburuak) lortzeko bidean aurrera egin dezaten.

2020ko urriaz geroztik, euskal enpresak eta helmugak Basquetour-en eskutik ari dira lanean programa honetan, turismo arduratsuagoa eta lehiakorragoa lortzeko.

Aurten, 45 enpresa horiekin jarraituko dugu lanean, eta epe berri bat irekiko dugu, nahi duten enpresek aukera izan dezaten Turismo Kode Etikoarekin bat egiteko.

Turismo-enpresa bazara eta interesatuta bazaude, jarri harremanetan 94 466 01 40 telefono-zenbakira deituz edo turismokalitatea@getxo.eus helbidera mezu bat bidaliz.

« Ekonomia Sustapenara itzuli