EZAGUTU GETXO
Bermeo
Bermeo
Bermeo arrantza-tradizio handiko herria da, Urdaibaiko Biosferaren Erreserban kokatua, UNESCOk Gizateriaren Ondare izendatu zuena 1984an, enklabe bioanitza eta naturari dagokionez ezohikoa eta apartekoa delako, delako eta ezaguna bere portu zahar biziagatik, kontserba-industriagatik eta euskal kostaldeko kokagune naturalik ospetsuena hartzeagatik: Gaztelugatxeko San Joan.
Udalerria Getxotik 40 minutura dago, eta Bilbotik 35 minutura autoz.
Zer ikusi eta zer egin
Lehorrean zein kostaldean, bisitatzeko erakargarri turistiko ugari ditu Bermeok.
Alde Zaharra
Bermeoko Alde Zaharra Euskadiko zabalenetakoa eta zaharrenetakoa da. Mendi-hegal batera egokitzea, Erdi Aroko esentzia eta itsas gastronomia ditu ezaugarri, baita alde zaharrean eta portu zaharrean kokatutako ostalaritza-eskaintza ere. Herriko kaleen artean monumentu aipagarri batzuk daude:
-
Ertzila dorrea. Udalerriko eraikin partikular zaharrena da. 1948an Arrantzalearen Museoa izatera pasatu zen. Izenak berak adierazten duen bezala bere bildumaren helburu bakarra itsas-praktikak eta itsasoari lotutako bizimodua irudikatzea da, Bermeoren ezaugarri nagusiak baitira.
-
San Joan Atea. Bermeok Erdi Aroko iragana du. Garai hartako jatorrizko harresiak zazpi arku zituen, udalerria errepide nagusiekin lotzen zutenak. Egun, San Joan Atea da osorik geratzen den bakarra. Gaztelugatxeko baselizarako bidea handik abiatzen zelako deitzen da horrela.
-
Santa Eufemia eliza. Herri hau Bizkaiko jaurerriaren buru izatera iritsi zen eta, hain zuzen ere, parrokia honetan egiten zuten Foruen zina Bizkaiko erregeek eta jaunek.
-
San Frantzisko eliza. Bizkaiko Lurralde Historikoko komentu zaharrena da, 1357an sortua, Bermeo Bizkaiko buru zela. Desamortizazioengatik, guduetan izandako kalteengatik eta erabilpen desberdinengatik (kartzela, eskola, auzitegia...) hainbat aldaketa jasan ditu bere historian zehar. Klaustro gotikoa da multzo honetako elementu garrantzitsuena. Gaur egun, egunero bisita daiteke 09:00etatik 20:00etara eta sarrera doakoa da.
-
Talaia. Antzinan baleak ikusteko gunea zen, eta udalerriko begiratoki nagusia da: portuko sarrera, Izaro irla, Laga hondartza eta Ogoño lurmuturra atzealdean. Bermeoko alde zaharraren goialdean dago eta baleen ehiza zaharrari buruzko horma-irudi erraldoi bat du.
Kostaldeko txokoak
Bermeok euskal kostaldeko itsasertz erakargarrienetakoa dauka:
-
Gaztelugatxeko San Joan. Bermeon bisitatu beharreko ezinbesteko kokaguneetako bat da. Zubi batetik iristen den "haitz" bat da, bere 241 mailak igo ondoren. Goialdean San Joan baseliza dago; barruan itsasontzien maketak ikus daitezke, herriko itsas historia ilustratzen duten koadroak, beste apaingarri batzuen artean. Behin goian baselizako kanpaia hirutan jotzea da tradizioa, espiritu txarrak uxatzeko. Kondairaren arabera San Joan tontorreraino iritsi zen hiru pauso handi emanez. Arrastoak igoeran zehar igar daitezke; lehendabiziko aztarna San Joan arkuan dago, Bermeon; bigarrena eskaileretan hasita eta azkena ermitaren beraren ondoan. Hiru aztarnak zapaltzeak oinetan eta hanketan minak sendatzen dituela diote.
-
Matxitxako lurmuturra. Penintsulako iparraldeko kostaldeko muturreko punturik handiena da. Gaztelugatxeko San Juan eta euskal kostaldearen gaineko ikuspegi bikaina da. Bertan, bi itsasargi daude: zaharra eta modernoagoa. Lehenengo hau 1852an eraiki zen eta 1909 arte egon zen martxan, gaur egun funtzionatzen duena inauguratu zen arte. Azken hori lehen itsasargitik geratzen den hondar bakarretik, dorretik, metro gutxira dago. Itsasargi honen aztarnen inguruan zetazeoak eta itsas hegaztiak behatzeko gune bat jarri da
-
Izaro. Uharte hori Urdaibaiko Biosferaren Erreserbako ezagunenetakoa da. Berari buruz kontatzen diren istorio eta kondaira ugariek bereziki erakargarri egiten dute. ezagunenetakoa...). Mendeetan zehar frantziskotar monasterioa egon zen, orain desagertuta dagoena, erregeen bisitak jaso zituen baina piraten erasoak ere jasan zituen. Uztailaren 22an, Magdalena Egunean, jai giroan, Bermeoko herriak uhartearen jabetza berresten du.
Nola heldu
Getxotik, errepidez irits daiteke Bermeora, honako ibilbidea eginez:
Informazio gehiago
Bermeoko Turismo webgunera joan
